Бағдарламаның келістілігін қамтамасыз ету үшін оны жүзеге асыруға қатысатын барлық оқытушылар міндетті:

• олардың курстары бағдарлама бойынша оқу нәтижелеріне және НУ түлегінің атрибуттарына қол жеткізуге қалай ықпал ететінін талқылауға;
• студенттерді бағалау мен оқу жүктемесінің бірыңғай тәсілін әзірлеуге;
• оқыту стратегиясы мен оқу қызметін мақұлдауға.

Курсты әзірлеу кезінде студенттер мен сыртқы мүдделі тараптардың пікірлері де ескерілуі керек.

Оқытушылар өз курстарына келесі тәсілдерді енгізу мүмкіндігін қарастыруы керек:

• Студенттерге бағытталған оқыту;
• Инклюзивті оқыту;
• Интернационалдандыру;
• Ғылыми-интеграцияланған оқыту;
• Технологияны қолдану арқылы оқыту.

Оқу нәтижелері - бұл студенттердің курсты аяқтағаннан кейін не білуі, түсінуі және / немесе көрсете алатындығы туралы мәлімдемелер.

# 4 оқу-әдістемелік Тулкит бағдарлама және EQF бойынша оқыту нәтижелерімен, Дублин дескрипторларымен және басқа да бенчмаркинг референттерімен сындарлы түрде келісілген оқытудың SMART нәтижелерін қалай тұжырымдау керектігіне шолу жасайды.

Бағалау әдістерін әзірлеу кезінде оқытушылар олардың оқыту нәтижелерімен сәйкестігін, сондай-ақ НУ-дегі бағдарлама бойынша бағалауға деген көзқарасымен және Бағалау стратегиясымен үйлесімділігін қамтамасыз етуі тиіс.

Бағалау студенттерге оқу нәтижелеріне жетістіктерін көрсетуге мүмкіндік беруі маңызды. # 2 және # 6 оқу-әдістемелік Тулкиттері бағалау әдістерін жасауда және кері байланыс беруде пайдалы болуы мүмкін.

Курстың мазмұны бенчмаркинг қағидаларын ескере отырып әзірленуі тиіс (мысалы, аккредитациялық талаптар, оқу деңгейі мен пән дескрипторлары ескеріледі). Курстың мазмұнын әзірлеу кезінде келесі сұрақтарды қарастыруға болады:

• Бұл оқу материалы оқу нәтижелеріне жетуге қалай ықпал етеді?
• Бағалау мен оқыту әдістері курс мазмұнымен келісілген бе?
• Курс белсенді оқытуға ықпал ете ме? Курстың мазмұны тек халықаралық кейстерді ғана емес, жергілікті контекстті де ескере ме?

Оқу және оқыту әдістерін таңдағанда, олардың төмендегілерге сәйкестігіне көз жеткізіңіз:

• курс бойынша оқу нәтижелеріне қол жеткізуді қолдайды;
• НУ оқу және оқыту стратегиясымен үйлесімді (инновацияларға, инклюзивтілікке және ғылыми-интеграцияланған оқытуға назар аудара отырып);
• жалпы бағдарлама бойынша оқыту тәсіліне сәйкес келеді;
• студенттерді сыныпта оқуға және бағалау қызметіне тартады;
• білім беру ортасындағы теңдікке, әртүрлілікке және инклюзивтілікке ықпал етеді. Қосымша ақпаратты Назарбаев Университетінің мүмкіндігі шектеулі және ерекше білім беру қажеттіліктері бар студенттерді қолдау саласандағы саясатын қараңыз.

Курсты әзірлеу кезінде студенттердің жүктемесін ескеріңіз, ол ECTS моделіне сәйкес келуі тиіс. Оқу жүктемесі дегеніміз - студенттерге барлық тапсырмалар мен оқу іс-шараларын орындауға, оқу нәтижелеріне қол жеткізуге кететін уақыт.

Бір ECTS студенттің 25-30 сағаттық жұмысына сәйкес келеді (оқытушы мен студенттің өзара әрекеттесу, бағытталған және тәуелсіз оқу іс-әрекеті сағаттарын қосқанда, бұл ретте салыстырмалы пропорциялар курстың түрі мен деңгейіне байланысты өзгереді). Бұл туралы толығырақ # 5 оқу-әдістемелік тулкитінен оқыңыз.

Курстың сапасын қамтамасыз ету және үнемі жақсарту үшін стратегияларды жоспарлаңыз. Бұл курсты әзірлеуге және шолуға ішкі және сыртқы мүдделі тараптардың кеңінен қатысуын қамтиды.

Өзгерістерге әкелуі мүмкін курстың жыл сайынғы мониторингі курстарды өткізу сапасын қолдау мен жақсартуда пайдалы болады. Жыл сайынғы мониторинг процесі туралы көбірек біліңіз.